स्वतःची बिझनेस वेबसाईट पब्लिश करण्यासाठी आणि ती सुरळीत सुरु ठेवण्यासाठी प्रामुख्याने चार घटक आवश्यक असतात. १: डोमेन नेम (डॉट कॉम, डॉट इन वगैरे) २: वेब होस्टिंग सर्व्हिस ( वेबसाईट पब्लिश करण्यासाठी वेब सर्व्हर वार्षिक भाड्याने घेणे   ३: वेब डिझायनर (वेबसाईट डिझाईन करणारी व्यक्ती किंवा एजन्सी) ४: डोमेन नेम, होस्टिंग यांचे वार्षिक रिन्यूअल, वेबसाईट अपडेटस, सिक्युरिटी आणि मेंटेनन्स (डिझाईन केलेली वेबसाईट सुरक्षित ठेवणे आणि ती सुरळीत सुरु ठेवणे यासाठीची देखभाल) या चार घटकांपैकी १, २ आणि ४ साठी प्रत्येक वर्षी किमान पाच ते आठ हजार रुपये खर्च करावा लागतो. घटक क्रमांक २ साठी प्रोफेशनल वेब डिझायनर्स किमान पाच ते दहा हजार रुपये फीस आकारतात. म्हणजेच प्रोफेशनल दर्जाची बिझनेस वेबसाईट तयार करण्यासाठी किमान बारा ते पंधरा हजार रुपये खर्च येतो. आणि ही वेबसाईट सुरळीत सुरु ठेवण्यासाठी पुढे वार्षिक पाच ते आठ हजार रुपये खर्च येतो. हे झाले स्वतःच्या बिझनेस वेबसाईटचे. बिझनेस वेबसाईट मधून जी माहिती तुम्ही देऊ शकता तीच माहिती त्याच पद्धतीने तुम्ही आमच्या डिजिटल ई ब्रोशर मध्ये देऊ शकता. पण यामध्ये सर्वात मोठा फरक हा आहे की तुम्हाला तुमचे स्वतःचे डोमेन नेम विकत घ्यावे लागत नाही, वेबसाईट होस्ट करण्यासाठी सर्व्हर भाड्याने घ्यावा लागत नाही तसेच डिझायनिंग, अपडेट्स आणि मेंटेनन्स यावर सुद्धा काही खर्च करावा लागत नाही. डिजिटल ई-ब्रोशर ही सुद्धा एक प्रकारची वेबसाइटच आहे मात्र ती तुमच्या डोमेन नेम ने आणि स्वतःच्या होस्टिंग अकाउंटवर पब्लिश केलेली नसते हा सर्वात मोठा फरक या दोघांमधला आहे. प्रोफेशनल बिझनेस वेबसाईट तयार करण्यासाठी हजारो रुपये ज्यांना खर्च करायचे नाहीत पण बिझनेस वेबसाईटचे फायदे ज्यांना अल्प किमतीमध्ये हवे आहेत त्यांच्यासाठी आमची डिजिटल ई ब्रोशर सर्व्हिस आदर्श आहे.               

तुमच्या बिझनेसचे फेसबुक आहे ही चांगलीच गोष्ट आहे. फेसबुक पेज आणि ई-ब्रोशर याना आपण एकाच गाडीची दोन चाके म्हणू शकतो. यातील एकाचा भार दुसऱ्यावर टाकता येणार नाही. फेसबुक पेजच्या माध्यमातून ग्राहकांच्या संपर्कात राहणे त्यांना नवीन अपडेट्स देणे या बाबी चांगल्या पद्धतीने करता येतात तर ई ब्रोशरच्या माध्यमातून बिझनेसची नेमकी माहिती देता येते. दोन्ही एकमेकांना पूरक आहेत. पण ई-ब्रोशरकडून होणाऱ्या कामाची आपण फेसबुक पेज कडून अपेक्षा करू लागलो तर नुकसान होऊ शकते. कारण आजच्या ऑनलाईन युगात कमीत-कमी वेळात नेमकी आणि संगतवार माहिती समोरच्या व्यक्तीला देणे महत्वाचे आहे. आजकाल सोशल मीडियावरून आर्थिक फसवणुकीच्या घटना वाढत आहेत. त्यामुळे बहुतेक करून फेसबुक वरील माहितीकडे पहिल्या नजरेत संशयानेच पहिले जाते. फेसबुक पेज वरून नवीन संपर्कात आलेल्या व्यक्तीला तुमचे फॅन फॉलोइंग नक्कीच दिसेल पण तुमच्या बिझनेसचे स्वरूप, तुमची वाटचाल, सर्व प्रॉडक्ट्स/ सर्व्हिसेस, कॉन्टॅक्ट इन्फॉर्मशन, बिझनेसचे लोकेशन एका नजरेत समजणार नाही. बिझनेसची प्रभावी प्रतिमा निर्माण करण्यासाठी आणि विश्वास संपादन करण्यासाठी ही माहिती आवश्यक असते. अशी नेमकी माहिती न मिळाल्याने संभाव्य ग्राहक कदाचित दुसरा पर्याय शोधू शकतात. असे होऊ नये यासाठी फेसबुक पेजवरून संभाव्य ग्राहकाला वेबसाईट किंवा ई ब्रोशर वर घेऊन जाणे आवश्यक आहे. नवीन ग्राहक मिळवण्यासाठी फेसबुक पेज पहिल्या पायरीचे काम नक्की करू शकते. पण फेसबुक पेजवर आलेल्या व्यक्तीचा विश्वास संपादन करून त्याला ग्राहक बनवण्यासाठी वेबसाईट अथवा ई ब्रोशरची आवश्यकता आहेच. 

तुमचे ई-ब्रोशर डिझाईन करणे, ते अपडेट करणे ही आमची जबाबदारी आहे. तुमच्या ई-ब्रोशर मधील मजकूर, फोटोज आणि इतर बाबी यांचे अपडेट्स आम्हीच करणार आहोत.  

बिजनेस वेबसाईट किंवा डिजिटल ई-ब्रोशर याना स्टॅटिक डॉक्युमेंट म्हटले जाते. सोशल मीडिया प्रमाणे डिजिटल ई-ब्रोशर्स किंवा वेबसाईट वारंवार अपडेट करण्याची आवश्यकता नसते. बिजनेसचे स्वरूप, प्रॉडक्ट्स/ सर्व्हिसेस यांच्यामध्ये मोठ्या प्रमाणात बदल झाले तरच वेबसाईट किंवा डिजिटल डिजिटल ई-ब्रोशर अपडेट केले जाते. त्यामुळे ई-ब्रोशर सारख्या स्टॅटिक डॉक्युमेंटला वर्षातून चार अपडेट्स पुरेसे आहेत.   

तुमच्या बिझनेसची इन्फॉर्मेशन तुम्हाला तुमच्या शब्दात, तुम्हाला जसे जमेल तसे आम्हाला द्यायची आहे. ही माहिती आमच्यापर्यंत पोचवण्यासाठी खाली गुगल फॉर्म दिला आहे. या माहितीच्या आधारे डिजिटल ई-ब्रोशरसाठी आवश्यक असलेला कन्टेन्ट आम्ही तयार करून घेऊ. 

तुमच्या प्रॉडक्ट्स आणि सर्व्हिसेसचे फोटोज तुम्हालाच द्यायचे आहेत पण डिजिटल ई-ब्रोशर अधिक आकर्षक बनवण्यासाठी आवश्यक इतर इमेजेस, आयकॉन्स, ग्राफिक्स आम्ही आमच्याकडील वापरू.   

डिजिटल ई-ब्रोशर डिझाईन करण्यासाठी तुम्ही सुरुवातीला जी फीस देता ती पहिल्या एक वर्षासाठी असते. त्यानंतर पुढे ते ग्राहकाच्या आवश्यकतेप्रमाणे वारंवार अपडेट करणे, ते सदैव ऑनलाईन उपलब्ध ठेवणे ही आमची जबाबदारी आहे. यासाठी तंत्रकुशल मनुष्यबळ, ऑनलाईन वेबसर्व्हर, त्याची सिक्युरिटी, मेंटेनन्स या बाबी आवश्यक असतात. यांचा मोठा खर्च असतो. या कारणामुळे डिजिटल ई-ब्रोशर पुढे तुम्हाला दरवर्षी रिन्यू करावे लागते. याची दरवर्षी ६९० रुपये फीस द्यावी लागेल.  

ई-ब्रोशर सर्व्हिसेस रिन्यू करण्याविषयी तुम्हाला साधारण एक महिना आधी संपर्क केला जाईल. त्या एक महिना कालावधी मध्ये पुन्हा काही वेळा आठवण करून दिली जाईल. नूतनीकरणाची तारीख उलटून गेल्यानंतर आणखी एक आठवड्याचा ‘ग्रेस पिरिअड’ तुम्हाला दिला जाईल. यानंतर मात्र तुमचे ई ब्रोशर डिलीट केले जाईल. ते ऑनलाईन दिसणार नाही.  

डिजिटल ई-ब्रोशरला व्हिजिट करणाऱ्यांना कोणतीही माहिती विचारली जात नाही. कोणालाही कसलाही फॉर्म भरावा लागत नाही किंवा कुठेही लॉग-इन करावे लागत नाही. त्यामुळे व्हिजिटर्सची वैयक्तिक माहिती, फोन नंबर, ईमेल आय डी अशा स्वरूपाचा डेटा आमच्या सर्व्हरवर सेव्ह केला जात नाही. सर्व डिजिटल ई-ब्रोशर्स ‘ओपन टू ऑल’ असतील. ज्याना तुम्ही लिंक शेअर कराल त्यांना ते सरळ कोणत्याही अडथळ्याविना पाहता येईल. 

होय, आम्ही बिझनेस वेबसाईट डिझायनिंगची सर्व्हिस देतो. कृपया संपर्क साधावा.